La banca armáa

Jisús S. Redacción.
| 22.04.2012

bomba_de_ramuSigún l'últimu enformi "Banca Armada” de l'asociación Centre d´Estudis per la Pau JMDelás presentáu en marzu d´isti añu, la banca española dio apea al compleju endustrial- armamentísticu con más de 45.000 millonis d´euros dendi l'añu 2000, pusiéndola cumu responsabli direutu del negociu de las armas. La enversión es en armamento convencional al traviés de la participación en compañías peri, onqui estén pruhibías nel, Estáu español, también si dan cuartos pa la produción d'armas controvertías cumu las bombas de ramu, minas antipresona, nuclearis u d´uraniu emprobecíu al traviés de créditos y financiación a empresas que las jacen en otros países.

 

Desistin cincu maneras enas que los bancos apurrin dineru a las empresas d´armas. La más clara es la participación direuta nel aicionariáu d´ellas, peru esu namás supón un terciu del total de las enversionis. El restu jazse d'un mou más escuru al traviés de préstamos, financiación a la esportación, emisión d´aicionis y fondos d´enversión. En total l'enformi arrecuegi 30 fondos d´enversión armáos enos que los clientis, las más de las vecis ensin sabelo, ponin el su dineru nestos negocios. Nel ranquin de bancos, el BBVA es el sigundu del mundu que más prestó a estas empresas, mientras el Banco Santander alcuéntrase nel cuartu lugar.

 

[Imagen de Stéphane de Greef extraída de Periodismo Humano]